ამბის თხრობის დიდოსტატი და საერთაშორისო ბესტსელერების ავტორი, კრისტოფერ პაოლინი, ბრუნდება ერაგონის სამყაროში (World of Eragon) ამ შთამბეჭდავი ეპიკური ფენტეზით, რომლის მოვლენებიც „მემკვიდრეობის ციკლის“ (Inheritance Cycle) დასრულებიდან ერთი წლის შემდეგ ვითარდება.

სამყარო აღარ არის უსაფრთხო დრაკონის მხედარ მურთაგისა და მისი დრაკონისთვის, სახელად თორნი. ბოროტი მეფე ტახტიდან ჩამოგდებულია, მათ კი უწევთ იმ შედეგებთან პირისპირ შეხვედრა, რომლებიც მისი ტერორისტული მმართველობის დროს მათ მიერ იძულებით შესრულებულმა როლმა გამოიწვია.

ახლა ისინი ყველას სძულს, მარტონი არიან და საზოგადოების მიღმა, განდევნილობაში ცხოვრობენ. მთელ მხარეში ჩუმად ჩურჩულებენ გამომშრალ, მყიფე მიწასა და ჰაერში გოგირდის სუსტ სუნზე – მურთაგ კი გრძნობს, რომ ალაგეზიის (Alagaësia) ჩრდილში რაღაც ბოროტება იმალება. ასე იწყება ეპიკური მოგზაურობა როგორც ნაცნობ, ისე ჯერ კიდევ გაუკვლეველ მიწებზე, სადაც მურთაგმა და თორნმა თავიანთი არსენალის ყველა იარაღი უნდა გამოიყენონ – გონებიდან დაწყებული ფიზიკური ძალით დასრულებული – რათა იპოვონ და აჯობონ საიდუმლოებით მოცულ ალქაჯს. ალქაჯს, რომელიც იმაზე ბევრად მეტია, ვიდრე ერთი შეხედვით ჩანს.

ამ მომნუსხველ რომანში, რომლის მთავარი გმირიც კრისტოფერ პაოლინის სუპერბესტსელერი „მემკვიდრეობის ციკლის“ ერთ-ერთი ყველაზე პოპულარული პერსონაჟია, დრაკონის მხედარმა უნდა აღმოაჩინოს, თუ რას იცავს სამყაროში, რომელმაც იგი მიატოვა. „მურთაგ“ (Murtagh) იდეალური წიგნია ერაგონის სამყაროში როგორც პირველად შესაბიჯებლად... ისე მასში სიხარულით დასაბრუნებლად.