ყველა ადამიანი ცოტათი განსხვავებულად არის დაპროგრამებული. „საწყისი კოდი“ (Source Code) მოგვითხრობს ადამიანურ, პერსონალურ ისტორიას იმის შესახებ, თუ როგორ გახდა ბილ გეითსი ის, ვინც დღეს არის. გეითსს ჩვენ თავის საწყისებთან მივყავართ და გულწრფელად აღწერს სიეტლში გატარებულ ბავშვობას, ოჯახის ცენტრალურ როლს — მის ახლო ურთიერთობას ბანქოს მოთამაშე ბებიასთან და მომთხოვნ, თუმცა მზრუნველ მშობლებთან — მის ბრძოლას საზოგადოებაში თავის დასამკვიდრებლად, მეამბოხე ბუნებას, პირველ ღრმა მეგობრობასა და უახლოესი მეგობრის დაკარგვით გამოწვეულ ტკივილს.

ჩვენ თვალს ვადევნებთ მის არაორდინალურ განვითარებას, როგორც მოუსვენარი მოზარდისას, რომელმაც ახალი ეპოქის გამთენიისას კოდირებისა და გამოთვლითი ტექნიკისაადმი სიყვარული აღმოაჩინა. ასევე ვხედავთ იმ ფენომენალური ბიზნეს ალღოს პირველ ნიშნებს, რამაც მას 20 წლის ასაკში ჰარვარდის მიტოვება და მთელი თავისი ენერგიის „მაიკროსოფტისთვის“ (Microsoft) მიძღვნა აიძულა. ჩვენ ასევე ვიგებთ, თუ რა განასხვავებს მას თავისი სფეროს სხვა წარმომადგენლებისგან: სამ სტივთან — ჯობსთან, ვოზნიაკთან და ბალმერთან — მისი პირველი შეხვედრებიდან დაწყებული, 1970-იანი წლების მიწურულს „მაიკროსოფტსა“ და „ეფლს“ (Apple) შორის გაფორმებული პირველი ხელშეკრულებითა და შემდგომი პერიოდით დასრულებული, გეითსს არასოდეს დავიწყებია დედის შეხსენება, რომ იგი ნებისმიერი მოპოვებული სიმდიდრის მხოლოდ დროებითი მმართველი იყო.