მსოფლიო ბესტსელერი სიმბოლოგ რობერტ ლენგდონის მონაწილეობით, „და ვინჩის კოდის“ ავტორისა და „ინტელექტუალური კლიფჰენგერების (დაძაბული სიუჟეტური შემობრუნებების) მასტერი“ (Wall Street Journal) დენ ბრაუნისგან.

რობერტ ლენგდონი, ჰარვარდის უნივერსიტეტის სიმბოლიკისა და რელიგიური იკონოლოგიის პროფესორი, ბილბაოს გუგენჰაიმის მუზეუმში ჩადის, რათა დაესწროს გამაოგნებელი სამეცნიერო აღმოჩენის პრეზენტაციას. საღამოს მასპინძელი მილიარდერი ედმონდ კირშია — ფუტურისტი, რომლის თვალისმომჭრელმა მაღალტექნოლოგიურმა გამოგონებებმა და გაბედულმა პროგნოზებმა იგი მთელ მსოფლიოში წინააღმდეგობრივ ფიგურად აქცია.

თუმცა, ლენგდონი და კიდევ რამდენიმე ასეული სტუმარი შოკირებულნი რჩებიან, როდესაც ზედმიწევნით დაგეგმილი საღამო მოულოდნელად აფეთქდება. არსებობს რეალური საფრთხე იმისა, რომ კირშის ძვირფასი აღმოჩენა დაწყებულ ქაოსში დაიკარგოს. საფრთხის წინაშე მყოფი ლენგდონი იძულებულია, ბილბაოდან სასწრაფოდ გაქცევა სცადოს და თან მუზეუმის დირექტორი, ამბრა ვიდალი წაიყვანოს. ისინი ერთად გარბიან ბარსელონაში სახიფათო მისიაზე, რათა იპოვონ საიდუმლო პაროლი, რომელიც კირშის საიდუმლოს გახსნის.

ვერაგი მტრისგან თავის დასაღწევად, რომელიც მათ ყოველ ნაბიჯზე ერთი წინ უსწრებს, ლენგდონმა და ვიდალმა გზა უნდა გაიკვლიონ უკიდურესი რელიგიურობისა და ფარული ისტორიის ლაბირინთულ დერეფნებში. ბილიკზე, რომელიც მხოლოდ იდუმალი სიმბოლოებითა და ძნელად აღსაქმელი თანამედროვე ხელოვნებითაა მონიშნული, ლენგდონი და ვიდალი პირისპირ შეხვდებიან...