„ყური მიუგდე ქარის სიმღერას“ და „პინბოლი, 1973“ ვირთხას ტრილოგიის პირველი და მეორე რომანებია. ორი რომანი ორ მარტოსულ ადამიანზე, ახალგაზრდობაზე, მეგობრობაზე, საკუთარი თავის ძიებაზე… ზაფხულის ცხელი დღეები, ბარი, ლუდი და მუსიკა გადახლართულია მარტოობასთან, წარსულის მოგონებებთან… ეს არის ამბები სიჭაბუკეზე, გაფლანგულ შესაძლებლობებსა და გარდაუვალ ცვლილებებზე, რომელთა თანამონაწილეც ხდება თითოეული მკითხველი. ამ პირველი წიგნებიდანვე იჩენს თავს მურაკამის საოცარი უნარი, ჩვეულებრივი, ყოველდღიური ყოფითი ეპიზოდისგან, მაგალითად, ყავის მოდუღებიდან, საჭმლის მომზადებიდან ან სააბაზანოში კბილების გახეხვიდან, შექმნას საინტერესოდ საკითხავი ლიტერატურული ტექსტი.