„ჯეიმი ამზადებს იტალიურს“ (Jamie Cooks Italy) იტალიური სამზარეულოს დიდებული დღესასწაულია. ჯეიმის სურს, გაგიზიაროთ თავისი სიყვარული ყველაფერი იტალიურის მიმართ და შემოგთავაზოთ მარტივი, საუკეთესო რეცეპტები კლასიკური კარბონარას, სალინას ქათმის, ფარშირებული ფოკაჩას, გამომცხვარი რიზოტოს ღვეზელის, ქოთანში მომზადებული ყვავილოვანი კომბოსტოსა და ლიმონჩელოს ტირამისუსთვის. ეს წიგნი შექმნილია იმისათვის, რომ მსოფლიოს ყველაზე საყვარელი სამზარეულოს ვნება და სიამოვნება პირდაპირ თქვენს სახლში, სამზარეულოში შემოიტანოს.

წიგნი მოიცავს 140 რეცეპტს ჯეიმისთვის დამახასიათებელ, მარტივად შესასრულებელ სტილში. მასში იპოვით შემდეგ თავებს: ანტიპასტი (წასახემსებლები), სალათები, სუპები, ხორცი, პასტა, თევზი, ბრინჯი და დამპლინგები (ნიოკი), პური და ცომეული, გარნირები, დესერტები და ყველა ის ძირითადი ბაზისი, რაც კი დაგჭირდებათ.

რეცეპტები აერთიანებს როგორც სწრაფად, ისე ნელა მოსამზადებელ კერძებს, ნაცნობ კლასიკას ჯეიმისეული შტრიხებით, მარტივ ყოველდღიურ კერძებს და უფრო განსაკუთრებულ, გულმოდგინედ მოსამზადებელ რეცეპტებს უქმეებისა და დღესასწაულებისთვის. მიუხედავად იმისა, საკუთარი თავისთვის ამზადებთ თუ მეგობრებისა და ოჯახისთვის, არომატები და გემოები პირდაპირ იტალიის პეიზაჟებში გამოგზაურებთ. Viva Italia!